Aur maitagarri
Iraizoz, P.
1
Aur maitagarri eder bat
gaur lurrean da jaio,
Birjiņa garbiagandik
guzion onerako.
Aur ori jaio ezpalitz,
guziok galdu giņan;
zerutik lurreratu da
gu zerura gaitean.
2
Oi au egun zoritsua,
au egun pozgarria!
gaur guretzat jaio baita
Jainkoaren Semea.
Aur ori zuk sortu dezu,
oi Maria maitea,
Birjiņa gelditurikan
Ama gertatu zera.
3
Eia txar ortan sortu da
zeruko Eguzkia,
askan eratzana dago
Aurtxo zoragarria;
zerua izar ederrez
bete duten eskuak
or daude geldi geldirik
oialetan bilduak.
4
Aingeruak artzaieri
berri eman zieten,
guzien Jaun ta Nausia
jaio zala Belen-en.
Berri ori aditzean
Herode sumindu zen,
Belen-go Aurtxo guziak
illarazi zituen.
5
Herode biotzgabea,
zergatik aiz sumintzen?
zergatik diok Jesusi
orren gogor ekiten?
zergatik aur txiki oiei
eriotza ematen?
berdin ik il nai uena
ez dek ez arrapatzen.
|