Asis'ko Prantzisko Deuna

Urtsuya

 Kristo'ren irudi bizia,

 Bost zauri gorriz josia,

 Prantzisko, maitasun-garretan

 Guzi ori irazekia;

 Entzun ­arren! zure semeok

 Gaur dagitzugun oyua;

 Piztu gure biotz-barruan

 Zure biotzeko sua.

 Apaldua zegon Eliza

 Zu jayo-ziñan aldian,

 Gizonak oso gaiztatuak,

 Maitasuna il-zorian.

 Zu autatu zinduen Jaunak

 Elizari eutsitzeko,

 Gizonen biotzak ondu-ta

 Berriz sutan ipintzeko.

 Odei artean agertzen dan

 Artizarraren antzera,

 Illunbea ondatzen duen

 Eguzkiaren antzera,

 Orrelaxe azaldu ziñan

 Zu Elizaren erdian,

 Orla distiatu zenuen

 Munduko illunben artean.

 Laster gizatalde andiak

 Biltzen zaizkitzu aldera,

 Zure lege ta agintepeari

 Beren buruak jartzera.

 Oyekin zure iru ordenak

 Belaxe irasten dituzu;

 Elizaren alde egiteko

 Beti gerturik dauzkatzu.

 Mairu-erri urrunetara

 Iru aldiz joan ziñan

 Kristo'gatik zure odola

 An isurtzeko-asmotan.

 Zure semeak lur guzira

 Bidaltzen dituzu gero,

 Illunpean zauntzan erriai

 Argia erakusteko.

 Gizarteko iskanbilletatik

 Urrundu ziñan mendira

 Jaunarekin bakartegian

 Ixil-ixil jardutera.

 Zure jorputz errugabea

 Gogorki mintzen zenuen,

 Basoak ayotsez bete-ta

 Negar ugariz bustitzen.

 Kristo'ren oiñaze garratzak

 Beti gogoan zeneuzkan,

 Aren neke miñak berberak

 Nai zenituzke zuk jasan.

 Bein sei egaldun Aingeru bat

 Jetxi zitzaitzun zerutik;

 Sayets, esku, oiñak bost zauriz

 Utzi zizkitzun zaurturik.

 Neke asko ikusi zenuen

 Bizirik zeunden artean,

 Kristok lagun izan zinduen

 Atsekabe-oiñazetan;

 Orain ordea zoriontsu

 Zera zera goyenetan,

 Orain Kristo'ren lagun zera

 Gozamen-atsegiñetan.

 Zure seme Irugarrendarrok

 Sendo gabiltza gaur ere.

 Gertu gaude lan egiteko

 Ama Elizaren alde.

 Zeru goitik zaindu gaitzatzu,

 Aita deuna, gure esturan,

 Jaunaren etsai gaiztoekin

 Beti daukagun burrukan.