Asis'ko Prantzisko Sandua

Iraizoz, Polikarpo

 Kristoren irudi bizia,

 bost zauri gorriz josia,

 Frantzisko maitasun garretan

 guziori irazekia:

 entzun arren! zure semeok

 gaur dagitzugun oiua,

 piztu gure biotz barruan

 zure biotzeko suan.

 Odei artean agertzen dan

 artizarraren antzera,

 illunbea ondatzen duen

 eguzkiaren antzera,

 orrelaxe azaldu ziñan zu

 Elizaren erdian,

 ola distiatu zenuen

 munduko illunben artean.