Agur, Maria
Iraizoz, P.
Kristau-biotzen pozgarri zeran
gure erriko ezkilla txintxoa,
ots-egizu beti gau ta egun
gure Amaren izen gozoa;
orduro alai durundatsu
ŤAgur, Mariať oiu egizu.
Sasi artean txio-txioka
ari zeran urtxindor-txoria,
txinta zazu, txinta geldi gabe
gure Amaren izen eztia;
kristau guziak entzun dezuten
oiu egizu: ŤAgur, Maria.ť
Zelai guzia zure atxonaz
asetzen duzun putxi-lorea,
zuk ere aipa zerorren gisa
gure Amaren izen maitea;
zure intzentsua eskain zaiozu,
ŤAgur, Mariať ots egiozu.
Ezkilla txintxo, txori txintari
ta lore urrintsuekin batera
nik ere beti aipatu nai dut
nere Amaren izen ederra;
ŤAgur, Mariať diot nik otsez,
ŤAgur, Mariať biotz-biotzez.
