San Migel jaiak

Iparragirre

 -1-

 Aloña mendiko aldamenian

 Guztiz leku agirian,

 Oñati eder an ikusten da

 Zelaitxo baten erdian.

 -2-

 San Migeletan

 Ango festatan

 Dantzan eta alegrian

 Ai zer egunak

 Pasa ditugun

 Bizkaitarren konpañian.

 -3-

 Bargara ta Markiña

 Mondragoi ta Oñati

 Gazteri eder fiña

 An bai zala galanki.

 -4-

 Partidu ederrak jokatzen ziran

 Egun aietan Oñati'n

 Jokari onak nola ziraden

 Onena zein zan nor jakin.

 -5-

 Batzuek zioten or Bizimodu

 Bestiak biba Gereta.

 Mutil gogor au askar zebillen

 Arrapatzeko pillota.

 -6-

 Marlaet eta mariñela

 Zugari ta Gereta

 Aurrian dabillena

 Arrimatzeko pareta.

 -7-

 Mariñela da altu zabal bat

 Guztiz jokalari ona

 Bizimodu da airosua ta

 Atzian ematen du lana.

 -8-

 Marlaet berriz galai gazte bat

 Seguru ta ariña

 Zugarrik aurrean

 Ene mutillak! ematen du zeregiña.

 -9-

 Bizkain ta probintzian

 Daude pelotari onak

 Obarik ez Españian

 ­Gora, gora Euskaldunak!

 -10-

 Goierri aldeko jente guzia

 Lekaioka ta saltoka

 Umore onian mendiak bera,

 Oñati'ra lasterka.

 -11-

 Ai zer egunak nere laguna

 Probintzian diran pasatzen

 Oraindik ere bai oroitutzian

 Beriala naiz poztutzen.

 -12-

 Nere adiskide maiteak

 Dibertitu geranak

 Naiago nuke oraindik balitza

 Ai San Migel eguna.

 -13-

 Gora Oñati eder ta zabal

 Da bere jende atsegiña

 Kanpotar danok ongi artzeko

 Egin dezute alegiña.

 -14-

 Erri onetan Alkatia ere

 Da leiala ta txit ona

 Danok batian esan dezagun

 Gora gure Alkate jauna.

 -15-

 Agur gaztedi ederra

 Erri au det-maitatzen

 Emendik banua baña

 Biotza emen det gelditzen.

 -16-

 Milla amorio dedan erritik

 Penaturikan juan bear

 Nere biotzak egingo luke

 Bai orain bertitik negar.

 -17-

 Txiki eta aundi danoiri Agur

 Bai ere errementariak

 Adiskideak kristoren legez

 Danok gerade anaiak.

 -18-

 Nere adiskide maiteak

 Oiek bai dirade egunak

 Aberats de pobriak

 Gaur gerade lagunak.

 -19-

 Plaza eder artan

 Ibilliagaitik, dantzan bai jende guzia

 Umore ona zan danen artian

 Erri guztia pakian.

 -20-

 Nekatxa ederrak

 Agertzen ziran su argien artetikan

 Ondoren berriz galai gazteak

 Txoraturikan atzian.

 -21-

 Tanbolin soñu ederrian

 Dantza gazte ta zarrak

 Zebiltzan umore onian

 Pozez goierritarrak.

 -22-

 Erriko jaunok atera zuen

 Illunabarri dantza

 Ai zer ederra ta ikusgarria zan

 Orduan Oñati'ko plaza.

 -23-

 Ezin da obeto egin zituben

 Euren jirabira dantza aurriak

 Ondoren zetozen ondo apaindurik

 Oñati'ko dama guztiak.

 -24-

 Dama aien artian dana zan

 Modua ta grazla

 Arriturik gelditu zan begira

 Jende guztia.