Aloņa-mendi toki ederrian
Iparragirre
Aloņa-mendi toki ederrian
guztiz leku egokion
Oņati ederra an ikusten da
zelaitxo baten erdian.
Samigeletan ango fiestetan
dantza eta alegrian
ai zer eguna pasa diagun
bizkaitarrekin batian.
Bergara eta Markina
Mondragon eta Oņati
gaztedi eder ta fiņa
emen bai zala galanki.
Partida ederrak jokatzen ziran
egun oietan Oņati'n
jokalari onak nola ziraden
onena zein zan nok jakin.
Batzuek zioten, o Bizimodu,
bestiak, biba Gereta;
mutil gogor au azkar zebillen
arrapatzeko pillota.
Sugarri eta Gereta
Merraetz eta Mariņela
aurrenengo dabillenak
arrimatzen dit pillota.
Mariņela da altu zabal bat
guztiz jokalari ona
Bizimodu da airosu eta
atzian ematen dik lana.
Merraez berriz galai gazte bat
seguru eta arika,
Suarrik aurrian ene mutillak,
ematen dik zeregiņa.
Bizkai eta Probintzian (Gipuzkoan)
daude pelotari onak
obarik ez Espaņian
biba, biba Euskaldunak!
Goierri aldeko jende guztia
lakaioka ta saltoka
umore onian mendiak bera
Oņati'ra dua laixterka.
Ai zer egunak nere lagunak
Gipuzkuan diran pasatzen!
oraindik era aik oroitzian
bereala naiz poztutzen,
danboliņ soņu ederrian
dantzan gazte ala zarrak
zebiltzen umore onian
pozez bai Goierritarrak.
Erriko-jaunak atera zuten
illunabarrian dantza;
ai zer eder ta ikusgarria zan
orduan Oņati'ko plaza.
Ezin da obeto egin zituen
jira-bira dantzaurrenak
ondoren berriz etorri ziran
Oņati'ko dama gazteak.
Dama oien artean dana zan
modu eta grazia
arriturik gelditu zan
begira jende guztia.
