Gizonarentzat hau ez ote da
Xalbador
1)
"Gizonarentzat hau ez ote da
zinezko nahigabea,
laster hil bakar duela berak
egiazki jakitea,
eta hil baino lehen oraino
oi, mingainaren moztea...
Hau derano zerbait nahi dizut
esan, emazte maitea.
2)
Ikusten dezu zer nahigabe
ta pena latzak ditutan:
bizitzeko bi egun bakar ta
bat aritzeko hizketan.
Familiaren geroa hortxe
gelditzen zaizu eskutan;
zerbait egizu nitaz orroituz
familia bizitzekotan.
3)
Azken orduan, oi emaztea,
heldu nitzaizu aldera,
sendagilea hor heldu baitzait
oi, mingainaren moztera.
Nik zuri orai, horra hementxe,
egingo dizut galdera:
Beti maitatu zizu etxea,
herria eta euskara".