Chalbador ihizin
Aire, Ferdinand
1
Gizona da choroa ta bihotz gabea,
Barnean, balinbadu plazerren gosea.
Arimadun batentzat, zer egitatea,
Hegaztin inozenter bizia kentzea?
2
Tiroka ari denak uso gaichoeri,
Bere burua ere ez du urrikari;
Usor egin nahia ein daike berari,
Hori gertatu zaio aurten Chalbadorri.
3
Urrieta goiz batez, goizik oihanean,
Ihizin ibilki-ta harma bizkarrean:
Tiro bat eskapatu zaut uste gabean,
Zuzen-zuzena sartu zango muturrean.
4
]ainkoari eskerrak hortan gelditurik,
Geihagokorik gabe bi erhi mozturik;
Tiroak hartu balu nunbait barnagotik,
Egun etzen entzunen kantuz Chalbadorrik!
5
Tiroak hiltzen baitu hatchemanez geroz,
Berere kolpatuko gaitu aldi oroz;
Bizi nahi badugu trankil eta uros,
Harma charra sal eta berririk ez eros.
6
Harma lanjerosa da geihago ezina,
Ez dea alabainan hiltzeko egina?
Nik ene malurrean egiten dut zina,
Beiratuko naizela hemendik aitzina.