Artzaya, bego mendiyan
Inzagaray, Ramon
Ez datoz oraiñ euskal soñuak
auzo-auzoka mendietatik.
artzai-mutillak goiz t'arratsalde
zerizkionak biyotz-barrendik.
¡Zenbat poztutzen ginduzen ayek
gegozenean soro aziyan
achur t'achurka gogor batzuek
bestiak berriz makurka layan!
¡Ah! baserriko lan-arazoa,
zenetorkigun arin, leguna,
zenduenean auzo-laguna
ardizayaren kanta gozoa!
bañan artzaya joan dan ezkeroz
gure menditik beste aldera;
ez-e apur bat lengo ez gera,
asnas mugile alaigarriya
bear du bada lan dagienak...
¡betor ortara, artzai-irinenak
gozo zerion bertitz berriya;
aitzak lez lodi eta gogorra,
loreen gisan sentirakorra,
gogamena lez biyotz-elea,
naikunda bezin eragillea.
Mendiz zijoan, jayo ta latza,
baso illundik igaro erdi,
bañan ibar ta soroan garbi
gogaldurikan genduzkan otsa,
¿Noraño zoaz, maitatzalleak?
goibel laja-ta atsekabean?
¿Zenek goshotu izaraipenak
zuk diña goiz ta illun aldean?
Oraingoaz, gure gogo ernaya
batzar gustien lege t'ekantak
or daramazki zedorren kantak
ez dakit nora, ene artzaya:
zu zerade-ta, pipaz, abarkaz,
chapel, chamarraz, gorrikoz prakaz
odol ta señaz gure sendiya
mendi goyeko koblakariya.
.........................
Erdal-errira zertara zoaz?
Zer lezateke zure ojuaz
aditu garbi ango gendeak
beste ele ta soñu zaleak?
an! -euskal-ojuz mintza etzaite
gure ta zure sendiyen kalte:
kontu, zaituzten choro iritsi,
zertako zuade ara begira?
euskal-mendiyak maite itzazu,
artaldi dena bildu ezazu,
t'atoz aguro zure errira;
inchaur ta urrak, esti ta gasta,
talo ta esne naikoa jan-ta,
deadarzgizun gaur, biyar, etsi...
¡ah zenbat far-ta zenbat irrintsi!
..................................
Bakoitzak euzka lurrera griñak,
Jaunak damagun mugatik kanpo,
gure ojuak ez diralako
ez itz t'ez soñu neurriz egiñak.
T'ez gera gu-re euskaldun denak
artzaya bezin eresle onak;
ta naigo degu; ziñez agiyan,
eresi ere erdal-erriyan?
Ez!... emen bertan Jaunak jarriya
dago doatsu euskal erriya...
maite itzagun bere mendiyak,
berdin artzauen borda zuriyak!
¡Oh, nere Jauna, gabiltzanean
zuk gura-ezta, besten echean,
orduan Jauna, zer negargarri!
orduan gabiltz estu ta larri
Choriyak ere baldu kabiya,
abere denak etzin tokiya...
eta berean, char edo ona,
zurekin pozaz bego gizona.