Gora euskara
Illarramendi, Jose Damian - Izeta, Jose Mari
1
Zahar eta gazte, andre ta gizon
goaz zuek agurtzera
festa giroa sortu dezagun
gu kantuz hasiko gera
Gai bat aukeratuzeko ere
Izandu degu aukera:
hamar bertsotan emengo dugu
hizkuntzeren egoera.
2
Euskal Herrian' baditugu gaur
bi hizkuntz biok batian
erdera beti gainetik eta
euskera berriz azpian.
Gure mintzaira ateratzeko
hasi gaitezen lanian
bestela erderek sartuko digu
gure euskera lurpian.
3
Euskara degu Euskal Herriko
arbaso zaharren hizkuntza
harek hil dira pixkanaka ta
gelditu da umezurtzar
Tristuraz eta negar malkotan
eskatzen digu leguntza:
mintza zaitezte denok euskeraz
ta idnartu nire ikaskuntza
4
Ikusten dugu Euskal Herrian
dadukagun diglosia
hori da hizkuntza bat bestearen
gainetikan egotia
Pena haundia ematen digu
euskera hola ikustiak
mintza gaitezen gure hizkuntzan
ez badegu nahi galtzia
5
Aiton kezkati batek lenguan
guri esan zigun hola:
«Erdaratiko hitzez josia
daukazute Ikastola.
Gazte Maiteok badaukazute
euskaldunaren odola
pentsa ezazute gure hizkuntza
arrixku handian dagola».
6
Hemen guztiok esaten degu
gu Euskaldunak gera
baina ez degu ezer mintzatzen
euskaldunaren hizkera.
Alde batera utzi dezagun
gazte guztiok erdera
bai herrion ta bai Ikastolan
mintza dezagun euskera.
7
Aspaldi hontan oso nahasturik
omen, dabil euskalduna
ez duelako hizkuntzarengan
lehen hainbat leialtasuna.
Izan dezagun herriarengan
kupira ta maitasuna
gure indarrez lortu behar degu
herrian askatasuna
8
Etsaiak ere gogor dabiltza
zaunkaz gure aldamenean
aspaldi xamar jarri gintuzten
horiek bere menpean.
Baina euskara behar bezala
lanean hasten denean
errespetatu beharko gaituzte
GEU izatea lortzean
9
Parlamentariak Madridera
juan-etorrian dabiltza
Euskadi askatuko dutela
hori da betiko hitza.
Promesa asko ekintza gutxi
ta beti erderaz mintza
hemen euskera hiltzen bazaigu
alper alperrik gabiltza.
10
Azken aldean nabaritzen da
zerbaitxoren aldakuntza
eta guztiok eskaini behar
diogu gure leguntza.
Gazteri dena elkartu eta
jaso dezagun goruntza
Gora Euskadi, gora euskera
gora euskaldun hizkuntza