|
Lo aurre
Igartza, E.
Zeruaren ederra
begiraki,
arraten senti naiz
olerkari;
ikusia abesten
ai, baneki!
Zeru-sapaiak itxas
zirudian,
izarrak berriz, batel
urganian,
olatuak dabilzki
dardarrian.
Goi ortan itxas-argi,
illargia,
biribil, dirudilla
talo ogia...
laiņo goseak duten
janaria.
Laiņo mendi bat dator
ao zabal,
mamu bezelatsu,
anker, zital,
ta irentsiz illargi...
lurra itzal.
Xaguxarra dabilkit
inguruan,
egada moxkor, ia
ni ikutuan...
ta olerki miņa agortu
dit barruan.
Goi lillurak utzita
amets ezin...
Bakar-bakarrik dantzut
mar-mar samin:
errekan seaska kantu...
lo, nik, arkin.
|
