Orra bertso batzuek
Igantzi, Paulo
Orra bertso batzuek
nik Lesakan neurtu,
nere samintasuna
naizikan agertu,
euskaldun asko euskeraz,
nola dan aspertu,
beren izkuntza utzita
besterena artu.
Itz politak baditu
euskera gaxuak,
ondo esan ezkero
dira ain goxuak,
ezpaditugu ematen
zaitzera pausuak,
negar egingo dute
lengo gurasuak.
Nere esan guztiyak
ez dira sartuko,
erderaz ari dira
gaur jaio orduko,
gure euskera gaxua
dipute galduko.
Estranjeriyan dute
euskera zabaldu,
bere erriyan berriz
aspaldiyan auldu,
euskaltzale geranak
dezagun lagundu,
lengo zarrak utziya
ez dadiyen galdu.
Baditut iru ogei ta
emezortzi urte,
euskera zabaldutzen
beti orain arte,
berengatik egin det
makiņa bat neke,
orain au galdutzia
min artuko nuke.
|