Lesaka-ra. Usta-illaren zazpiko ibillera 1909.an
Idarreta, Pedro MĒ
-1-
Aita San Fermin ikustatzera
goizetik gera abiyan
lenaz oitura degun bezela
bere arki dan tokiyan ;
Zure laguntza eskatzen degu
ibillera ontan guziyan,
deskalabrotik libratutzeko
aingeru bana guardiyan.
-2-
Mendi tarteko erri koskor bat
Naparruako partian,
Donostiyatik egiten degu
joaneracho bat urtian
biyotz oneko jende leyalak
bizi dira an pakian,
guri zer egiņ ezdakitela
emendik ara joatian.
-3-
Irichi zaigu pozez beterik
zai geunden egun gozua,
urte guziyan iduki degu
guk biyotzian jasua;
irichi da bay, egan egiņaz
nola aidian usua,
penaz daudenak alaitutzera
Santu leyal doaitsua.
Seguru gaude lagundutzia
gure promesa osatzen,
asmo sendoan dabillenak au
animatik du eskatzen
etzai gaiztoak lotuagatik
badaki azkar askatzen,
onen laguntza izango da bay
nor bera bada portatzen.
-5-
Erri ospatsu ortako festak
agiz dira egokiyak
mundu onian oso jolasten,
baidirade gazteriyak;
dama ta gaiai zuri gorriyak
garbi ta chukun jantziyak
dantzari liraiņ bigun ariņak
aitonak erakutziyak.
-6-
Nabaitutzian gu an gerala
ez dira egoten aztuak,
Cabildo eta erriko jaunak
alderaturik an asten dira
alako gizon prestuak;
luzatzen beren eskuak,
komeni zaigun zerbait artzeko
prest jarririkan lekuak.
-7-
Atzegiņ onak guri egiten
zar eta gazte guziyak,
pare gabeko serbitzalliak
an diran kristau biziyak
guretzat denak berdiņak dira
maizte ta naguziyak,
gezurrik ez det esaten
ondo dauzkat ikuziyak.
-8-
Suerte oncho bat deigula Jaunak
gaur Lesaka-ko birian,
lagun berriyak esan dezaten
non ta nola ibilli ziran;
alde ayetan jende on ayek
zer lazai bizitzen diran,
erri chiki bat choko chokoan
arkaitz beltz ayen median.
-9-
Ibillera ontan gurekin beti
Antonino degu buru
ori aurretik dijuanian
pauso guziya seguru;
guk au giyari degun artian
iņon ez gindezke galdu,
bazkari ona amalaurentzat
atso gaztiatuba du.
-10-
Seguru nago ostalariyak
poza artuko zubela,
eta gaņera moldatutzia
urte asko da egun onetan
gu ikusten gaitubela,
gosariya prest irukikodu
an iristian berela.
-11-
Gosal onduan igotzen gera
plazan barrena elizara,
denak sallian musikarekin
San Femrin otoitutzera;
egun ontako prestatzen duten
meza ederra entzutera,
dakiyenikan gurekin bada
koruan katatutzera.
-12-
Lore baratza dirudiyela
gazte talde apainduak,
jantzi politak kolorezkuak
San Fermiņen aingeruak;
elbarri danak alaitzen ditu
ango musika soņuak,
aliz azpiko iturri artan
artzen dituzte baņuak.
-13-
Lenaztandikan dakitalako
pasa diranaren berri,
ez dakitenak jakin dezaten
ara itz neurtuan jarri;
len gertatuak onela dira
ikusteko gaurko ori,
ontaz aurrera zuzen ditzala
esango diyot Pepe-ri.
-14-
Ramonen seme Pepe Artola
jatorrez bertsolariya,
gaztetandikan etorkizuna
aita-gandik ekarriya,
au nola izan zan koblalaritzan
iskribalari aundiya,
semeak ere ikasi ziyon
berak zekiyen guziya.
-15-
Talde onetan bildu gera gaur
biyotz oneko jendia
oriaņ guazen lekuan ere
leyal askuak badira;
nabaitutzian gu an gerala
azkar azalduko dira,
guk ere zerbait egingo degu
datozela Donostira.
-16-
Ez dadilla izan azkenekua
gure emengo irtetia,
urrengo urtian ere nai nuke
gaur geran denak joatia;
Santu berari eska zayogun
osasuna ta pakia,
amasei bertso ona euskeraz
au dute errematia.