[Txomin Agirre]. Abade

Ibarzabal, J.

 Ujel gaiztoak tinkoiak bota,

 esiak ausi ta eten,

 barruan zeuden bildots umillak

 beren tokitikan urten,

 banatu ola didarka daude

 artzai ona itxaroten,

 aita Agirre dagon tokitik

 ez ote ditu ikusten

 beran etxeko barrutitxuan

 auzoko ardiak jaten?

 Txomin Agirre! Zer mingotxa dan

 atsekabearen miña,

 lenago baizik oraintxe ere

 badago zure premiña,

 gaur etzenuke ezagutuko

 zeu bizitako jardiña,

 aldameneko ota almitxak

 sikatu du belar piña,

 negar malkotan buztiko zeunke

 oraintxe bizi baziña.