Itziar-en gu mutil zar asko
Bizi gerade zoziyo
Zartza-denbora pasatutzeko
Andre on bana desio
Ama Birjiņai eiten dizkagu
Makinabat oraziyo
Gure ordez esposatu da
Olano-ko Inazio.
Etxe-aldeko mayorazkua
Apal eta suabia
Oraiņ artean ondo pasia
Bere gazte denboria
Iruditurik esposatzea
Zuala askoz obia
Bere andretzat aukeratu du
Uztapideko Maria.
Neskatxa gazte askok zeukan
Orentzat borondatia
Aritutzen naiz oraiņ artian
Ezkongai au egotia
Uztapide-tik ekarri ditu
Andria eta dotia
Iruditzen zait izan duela
Nik ainbateko zoria.
Leku askotatik artua zegon
Lenago bera eztayak
Orregatikan artu zituan
Auzoko mutil guztiyak
Eta gaņera tokatzen ziran
Inguruko familiyak
Ordaņetan izatiagatik
Txarriyaren odolkiyak
Oraiņ artian beti izanda
Oso leyala ta piņa
Mesede eder ta ugari
Ludi onetan egiņa
Auzoko mutil guztiyak ere
Maite zutela jakiņa
Oyek guziyak bota zioten
Bosna duroko propiņa.
Sueltzutzarrek asmatu ditu
Berak alduan bezela
Ezkontza ori seguru dakit
Arrua'n izandu zala.
Bere lagunak esaten dute
Ondo portatua dala
Urte askoan gure Jainkuak
Alkarrez izan ditzala.