Izazu nitzaz kupira
Bilintx
Loreak udan intza bezela
Maite det dama gazte bat
Ari ainbeste nai diotanik
Ez da munduan beste bat:
Iñoiz edo bein pasatzen ba-det
Ikusi gabe aste bat,
Biotz guztira banatutzen zait
Alako gauza triste bat.
Neskatxa gazte pare gabia,
Apirileko larrosa,
Izarra bezin dizdizaria,
Txoriya bezin airosa:
Oraintxen baño gusto geyago
Nik ezin nezake goza,
Zorionian ikusten zaitut,
¡Nere biotzak au poza!
¿Ez aldirazu antzik ematen
Nik zaitudala nayago
¡Ai! mariñelak gau ilunian
Izarra baño geyago:
Nere onduan zauzkatalako
Pozez zoraturik nago
Zu ikustiak alegratu nau
Triste neguan lenago.
Nik aña iñork nai dizunik
Arren ezazula uste
Nere begiak beren aurrian
Beti desio zaituzte:
Eguzkirikan ikusi gabe
Txoria egoten da triste,
Ni eznau ezerk alegratutzen
Zu ikustiak ainbeste.
Arpegi fiña, gorputza berriz
Ez dago zer esanikan,
Izketan ere grazi ederra,
Ezer ez dezu txarrikan:
Mundu guztia miratutzera
Zu bezelako damikan
Agiyan izan liteke, baño
Ez det sinisten danikan.
Nere betiko pentsamentua
Nere konsolagarria,
Zu gabetanik ezin bizi naiz
Esaten dizut egia:
Zu baziñake arbola, eta
Ni baziñake txoria,
Nik zu ziñaken arbol artantxen
Egingo nuke kabia.
Amoriuak nere biotza
Zureganuntza darama,
Erri guzian zeren daukazu
Neskatx bikañaren fama;
Beste fortunik mundu onetan
Ez det desiatzen, dama,
Aur batek berak izan gaitzala
Ni aita eta zu ama.
Falta dubenak logratutzeko,
Itz egitia txit on du,
Eta nik ere sayatu biat
Ote gintezken konpondu:
Gaur nagon bezin atrebitua
Sekulan ez naiz egondu
Argatik golpez galdetzen dizut
Nerekin naizun ezkondu.
Ezkondutziak izan bear du
Preziso gauza txarren bat,
Ala esaten ari bat beti
Nere kontzejatzalle bat:
Alaxen ere aren esanak
Oso utzirik alde bat,
Ongi pozikan artudo nuke
Zu bezelako andre bat.
Zerorrek ere ongi dakizu
Aspaldi ontan nagola
Zuregatikan penak sufritzen
Baña au ordia nola:
Alaxen ere nigana ezin
Bigundu zaitut iñola.
Ni zuretzako argizaya
Zu bezelako andre bat.
Nere biotza urtzen dijua
Eta ezda misterio,
Penaren kargak estutu eta
Sumua kendutzen dio:
Begiak dauzkat gau eta egun
Egiñikan bi errio,
Beti negarra dariotela
Zu zerala medio.
Zu zerala medio baldin
Juaten ba-naiz lur-azpian
Gero damuba eta malkuak
Alperrik izango dira:
Bein juan ezkero oyen birtutez
Berriz ez niteke jira,
Ori gertatu baño lenago
"¡Itzazu nitzaz kupira!"