Baserria
Xalbador - Lazkao Txiki - Lekuona
Etxetik hoinbertze gazte
kanporat zorion eske
zoraturik bazoazte.
Bizi moduak behartuz edo
etxea ez aski maite?
Gure faltaz balezate
arrotzek etxea bete,
hobendun haundi gintaizke. (Xalbador)
***
I
O, baserritxo, artuko dezu
biotz barrenetikan min,
eskerrak mirik ez dezu eta
ezin dezu gaur itzegin;
zenbait fameli azi dezuen
Jainkuak bakarrik jakin,
orain bakarrik uzten zaituzte,
ondotik danak aldegin.
II
Zeure semiak estaltzen artu
dezu amaika endrero,
zure babesez gordetzen ziran
egunero ta gauero;
oinbat fabore egin dezu ta
ta esker txar ori gero.
o, baserriya, gaizki zaude gaur
ondo pentsatu ezkero.
III
Zuk eman dezu ainbat aurtxoren
babesa eta epela,
ikusten zaitut gaur egunean
eskerrik gabe zaudela;
bertsolaria minberatzen de
zu ikustian onela,
gaur basarri au ikusten det nik
gure euskera bezela. (Lazkao Txiki)
***
Min det egiaz utzi bearra
Baserria...
Artaldeari labaina sartu.
Atzen pagoak orpotik moztu,
Etxeko tresnak erre edo saldu,
Arbaso zarren sua itzaldu,
Ategaņeko sarrail nagia
Erdoitzen utzi...
Iturria jan osiņak;
Untzak orma zar berdiņak.
Gurdibideak urak ebaki...
Mindura au zer dan
Pasa duanak bakarrik daki! (J.M. Lekuona)