Irrintzina mendian
1
Gau eder batek ninduen
hatzeman mendi gainetan,
Iguzkia aintzinean
emeki etzan zitzautan;
Azken abereak etchera
zoazin ene oinetan,
Bazter guziak zituztela
inharrosten marrumetan.
2
Lehen izarrek zeruan
orai zuten disdiratzen,
Ordokian harrabotsak
hasiak ziren eztitzen;
Egunaren ondotik gaba
bere aldian hedatzen,
Herrian etche zombait ziren
oraidanikan argitzen.
3
Bortu gainean artzain bat
hatzemaiten nuen kantuz,
Eskualdunen aire zahar
ederrak charamelatuz
Boz hura bakarrik orduan
mendi gain hetan adituz,
Iduri zautan arbasoak
harekin zaudela oihuz.
4
Bat batean, ilhumbean
oihu bat da eraikitzen,
Bere samintasunean
ninduelarik harritzen
Mendi kaskoan harri-kotor
zaharrak zituen jotzen,
Eta leku basa ketako
oiharzunak irazartzen.
5
Oihulgora garratza zen
nola emaztearena;
Ilazkarra eta borthitza
nola gizonkiarena;
Artetan gero erranen zen
basa-ihizi batean,
Ezagun zelarik halere
oihu bat, jendearena.
6
Luzaz zuen inharrosi
mendi hetako bortua;
Iduri zuen hastea
norbait zela min-hartua,
Irri lotsagarri batean
zen aldiz akabatua,
Bethi chutik nindagolarik
bide chendran choratua.
7
Ibañetan ere lehen
irrintzina aditu zen,
Arrolani bertutea
laster ziola lotsatzen,
Dei-adarraz debalde ziren
mendiak dardarikatzen:
Eskualdunen irrintzina zen
dei-adarrari nausitzen.
8
Gogoetan nintzalarik
osoki zen ilhundua
Zerua zuten itzatua;
mila itzez itzaten;
Bortuan aldiz irrintzina
aspaldi zen ichildua,
Ordokian lanoek zuten
hasia beren gudua.
9
Azken aldikotz nituen
behatu bortu ilhunak.
Iduriz orai zerautan
ihardesten oiharzunak:
«Mendian entzunen direno
hoin ederki irrintzinak,
«Ez dira ezeztatzekoak
lur gainean Eskualdunak!
|