Basherritto batean bizi naiz gustuan.

Arnaud Aintciburu.

 1

 Basherritto bateko mendichka artean,

 Ur e reka aldean nihauren etchean;

 Athor oihan  sorhuak denak inguruan....

 Gizonik urosena bizi naiz gustuan.

 2

 Bichtako eremua oro dut neurea.

 Munduaren phartetik badut nik bakea.

 Auzoetarik urrun nere desterruan;

 Nehor unhatu gabe bizi naiz gustuan.

 3

 Ogi artho ilharrez betherik alhorrak...

 Gaztain intzaur gerezi sagarrez oihanak...

 Idi behi ahari ardiak sorhuan...

 Ni horietaz jabe bizi naiz gustuan.

 4

 Baratze eder bat da ene etchaldea;

 Ithurri sano baten uraz freskatua.

 Bazter loredun hauek hedatu gozuan.

 Phausua bihotzean bizi naiz gustuan.

 5

 Andre, hun baten arthaz bethi lagundurik;

 Familia hazirik etchean badut nik

 Bi semetto azkarrak alaba onduan:

 Hoiekin amodioz bizi naiz gustuan.

 6

 Chorittoen khantuek yatzarrarazirik;

 Goizetan niz lanerat jalgitzen etchetik.

 Eguna zait joaiten laster deskantsuan;

 Bethi zerbait eginez bizi naiz gustuan.

 7

 Aberats izan gabe badut sosegua;

 Urhe zilhar goseaz ez niz khechatua.

 Behar dudadanarekin osasun senduan.

 Urhe amentsik gabe bizi naiz gustuan.

 8

 Ager nadin eliza ala merkhatura.

 Edo egitekoez gizonen artera;

 Ezagunetan ez dut nehor etsainguan,

 Herraguarik gabe bizi naiz gustuan.

 9

 Atsegin oroz nekhez baititake goza,

 Ethortzen ahal baitzaut bardin zorigaitza;

 Jaun ona dut utzia nik hortaz hautuan:

 Haren borondatera bizi naiz gustuan.

 10

 Chokho huntan prestuki bakean bizirik

 Nahi nuke adinez johan hau utzirik

 Luzazki zahartzeaz ni hola munduan,

 Zergatik lotsa naite bizi naiz gustuan?