Arima ongi sortuak
Hiribarren, Jean Martin (Iribarren, Martin)
1
Arima ongi sorthuak herria bethi maite,
Aspaldi egia hori adirazi dautate;
Bainan guti nuen frogatu, oren hau ethor arte.
2
Hoi-ta-sei urthe dituzke ene sor-seinaleak,
Dohatu ninduen biziz Domindina Larreak,
Aita Mendik, nitaz bietan, zituela urtheak.
3
Denbora gaixtorik ez dut egundaino ikusi;
Errexki ditut gaztean hedoi beltzak ihesi;
Grina batek ez daut bihotza behin ere nahasi.
4
Abian herritik urrun, aisia bilhatzeko,
Har bat zait asikiz hasten, eta ez baratzeko,
Zeren naizen bidean eman bertzetan higatzeko.
5
Hedoiek nola goibeltzen izarra galernetan,
Hala da nere irria barna sarthu betbetan:
O Zerua,lagun nazazu gurutzen oren hunatn!
6
Egunik ederrensan herriaren uztea,
Maitatu lagun guziek adio erratea,
Bihotzean zarrazta handi ondikoz egitea!
7
Larrungo mendi ederra, ez haukat ikusirik!
Urrungo herrian jarriz, begiak hedaturik,
Ez kausturen hemengo lagun bethi ezaguturik.
8
Mintzatu ere beharko etxean ez bezala;
Urtheak ikasten ariz, haur iduri dudala:
Nork erranen, denbora batez, atzetuko nintzala?
9
Soineko berriak jauntziz, igande-egunetan,
Ez gare herritar denak kausturen elizetan,
Handik landa, josta gurekin, pilota-saltoetan.
10
Bortz aldiz hemengo bestez urrun naiz orhoituko.
Miletan hekin eskasak loa daut nahasiko;
Urrundik dut nik herriari aithorra igorriko!
11
Kaskatzen dut urruntzean aita-amen bizia,
Neretzat xukatu dena hanbat urthez guzia;
Nongo etsaiek dautet eman gateko gutizia?
12
Gogor da hola uztea aita-ama zaharrak;
Bi mila lekhoetarat hek eginen nigarrak;
Zein mingarri uztea Aitak, bai eta Herritarrak!
13
Adios, ene maiteak, balinba ez bethiko!
Zer lantza zaukan urheak gordea neretako!
Traidoreak, orena gabe, hiltzen nau zuendako!