Monja joan zait Fatima
Aiete
1
Amodioa jarri digute
aurten bertsoaren gai
ta gorrotozko itzikan emen
ez nuke nik egin nai.
Bi urte luze egon ondoren
bere erantzunen zai
tristetu eta portu nauana
berak eman dit gaur bai.
2
Biok batetsu jaioak giņan
biok batean aziak
eta Kristoren lege santuan
eskola baten eziak.
Jaungoikoari nik milla bider
ematen dizkat graziak
bete bai dira nere maiteak
zituan amets guziak.
3
Konbentu baten bukatu dira
nik egindako ametzak
monja dijoa nik emen artu
nai nuan ura andretzat,
pentsatzen nuan ederregia
zala Fatima neretzat:
iņork zapuztu baino len
Jaunak artu du beretzat.
4
Ni utzi eta zeruko aita
artu dezu zuk laguna,
ezin ukatu txit tratu ona
dala zuk egin dezuna.
Badatorkizu zuri Fatima
txuriz jazteko eguna,
azkena dana, guk biok alkar
ikusi bear dezuna.
5
Esan bezela egun aundia
beretzako etorri zan
Obispo jauna meza ematen
an oitura duten gisan,
nik beregana inguratzeko
korajerik ez nun izan
txoko batean negar eta negar
gustora egonu nintzan.
6
Malko artetik ikusten nuan
bere soiņeko txuriyan
aingerutxo bat zirudiela
geienoren iritziyan,
kanpotik apain eta barrendik
Jaungoikoaren graziyan:
era artara jarrai dezala
bere bizitza guziyan.
7
Batera triste, eta bestetik
ni oso pztua nago;
orain Fatima arrixkutatik
erretiratua dago.
Joan aurretik au esan zidan
itz goxoakin da klaro:
ni asko maite ninduala bai
baiņa Jainkoa geiago.
8
Argazkitxo bat utzi dit neri
etxean daukat jasorik,
ez du esango ez diotela
beintzat egiten kasorik:
jai asko bertan pasatzen ditut
bere ondoan osorik
joan zan ezkero ez dagolako
neretzat iņun gozorik.
9
Nere maiteak billatu du bai
zeruratzeko sixtima
munduan segi eta galtzea
izango baizan lastima:
begi onakin ikusten det nik
egin dezuna Fatima,
emen lenengo eginkizuna
da salbatzea anima.
10
Eskaera bat egiteko da
neronen azken bertsua,
konbeni bada erantzun zaidazu
nere Jaungoiko altsua,
gaiņean neri jarri didazu
naiko gurutze pixua
erortzen banaiz lagun altxatzen
Jesus errukitsua.