Bedatsa edo primadera
Hasquette (Betti Irigoin)
1
Mendi bizkar bateko mendisca batean
Auzo hurbilik gabe bizi naiz batean
Baratze eder bat dut othe aintzinean
Landa, phentze, mahasti, guziak menean
Atsegin dut bedatsa etorri denean.
2
Anhitz ederrik dago mahasti maitea
Loreak iraganik mulkoez bethea
Jutzaur eta gerezi, mertchika gaztea
Sagar udare, piko, denen ikustea
Atsegin da hoin ongi hazirik urtea.
3
Etchola gibeleko phentze zorhitua
Izarren iduriko lorez beztitua
Usain gocho batekin nago zoratua
Kalla erditik oihuz pozez gainditua
Ikusirik ogiak laster burutua.
4
Paucha lili gorri ongi egilea
Hartan da alhatzen maiz nik erlea
Phentzean hazi arte belhar ephailea
Nekatzaileak hori du laguntzailea
Bere kabala maiteen gose kontzailea,
5
Etcholako athetik so nago ardura
Nere baratzeari, oi! bainan gostura
Ongi gochoki heldu elzekari hura
Urthe haste on baten badugu mentura
Aurthen ere bedatsaz enaiz arrangura.
6
Bedatsak hasten dauku eguna luzatzen
Ipharretik iguzki ederra itzultzen
Errekatik igelak kantuz abiatzen
Goiz arratz karrankatik ez dira ichiltzen
Atseginekin nago horien aditzen.
7
Ur chirripa chokotik chocho urra kantuz
Choriak itzalpetik atseginak hartuz
Kafia egiteko tokiak bilhatunz
Sasi argal guziak bedatsak hostotuz
Umeak hazten dituzte holache gordetuz.
8
Ez da ez etcholatik anhitz urrunago
Kukua oihuz ari ongi pozez dago
Biligarroak ere oro zoin gorago
Argi urratze uruz zoraturik nago
Ai bedatsa! guzien amatako bego.
9
Sahetsaren lorea jali bezain laster
Indar bera ondotik emaiten du bester
Gaztaina zahar ala haitz, laudare gazter
Oro hostotu dira bedatsari esker
Zelhai mendi guziak orai dira eder.
10
Horma elhur bortitzak eginik neguan
Auhenik baizik etzen gizonen ahuan
Horra nun atsegina ororen buruan
Bedatsa etorri den bai behar orduan
Urthearen gakoa hori da munduan.