Gazte Hiltzera Dohana.
Harlouchi.
Hogoigarren urthera hari naiz hurbiltzen.
Eta nere oinetan tomba dut ikhusten
Ni zertako mundura ethorria nintzen.
Ondikoz! ez zortzea neretzat hobe zen.
Sekulan zoriona zer den yakin gabe
Hainitz dut nik lurrean izan atsekabe.
Lore sortu orduko histu baten pare.
Biziaren uztera guti naiz herabe.
Ez-ez enau izitzen ez ni herioak,
Laster khen dezadala bizia Yainkoak
Sehaskan galdu ditut nere burasoak
Zer diren eztut yakin etcheko gozoak.
"Aita ama maiteak, zertako mundutik
"Zerura guan zineten ni hemen utzirik
"Ez dut nik mundu huntan izan sosegurik,
"Ez baitut ezagutu amaren musurik."
Anaya bat banuen haurra nintzelarik
Soldado juan zen eta nik ez dut berririk;
Aita amekin dela ez daite dudarik
Niri begira daude hiruak zerutik.
Ahituz banarama nere oinhazeak
Burhasoen aldera deitzen nau zortheak,
Nork ditu arthatuko ait'ama maiteak
Zuen tomba gainean nik eman loreak.
Nere gorphutz flakoa lurrerat orduko
Nor othe da munduan nitaz orhoituko?
Nere ehortz lekhura nor da hurbilduko?
Lore berririk ez da neretzat sortuko.
Mendian ur chirripa harrien artean
Auhen eta nigarrez jausten da bidean
Izan nahi bailuke zelhai ederrean
Hala nere egunak badohaz lurrean.