ETBn erdara sartu nahi dutela eta

Haritz

 ETB eta erdara

 jarri diguten gaia da

 horregatikan astindu behar

 bertsoen ganbara

 ondoren jaurti plazara

 bertsozaleen askara

 nola nahi duten Euskara hil da

 bota errekara.

 Kontrakoak daude nonahi

 da telebistan ere bai

 eta batik bat jende gaztea

 jarri bedi ernai

 berari so aste ta jai

 baina gu ez gaude lasai

 ikastoletan ikasi dena

 galtzerik ez da nahi.

 Erdara arrotza sartu

 ta bera nahi da indartu

 Euskaran kontra den erauntzia

 ezin da atertu

 hori ez dezaten lortu

 egon behar degu gertu

 ondoren degun kimu berria

 ez dadin ihartu.

 Duten jarrera eskasa

 ulertzen dago erraza

 ardi itxuran agertu nahi ta

 otsoaren traza

 erdarari eman baza

 Euskara nahi da frakasa

 ondo dakite Herriarentzat

 hau dela arnasa.

 Euskararen eragina

 zokoratzeko jakina

 nagusi hoiek berekin dute

 Madrilen dotrina

 erdara dute birjina

 gurea berriz sorgina

 Inkisizio garaia balitz

 bazen errekina.

 Erre edo ta desegin

 guretzat hori da berdin

 gogor saiatu beharra dago

 hau gerta ez dadin

 badegu nahiko zeregin

 zorroztu hotz eta hagin

 gurea data lotsarik gabe

 Euskeraz hitzegin.