Soldaduzkari
Hankazikin
Gatazka da bizitza
ez dago dudarik.
Heriotza duk fiero
dena berdindurik.
Bizidunok dakigu
Kutxan beharturik
sartu behar direla
gorpuak bakarrik.
Ezberdintasunak bai,
ez soldaduzkarik.
Hau artaldekerien
eskola onena:
sarjentu kaiku baten
pausuen baibena
ta gizonkeria da
irakasten dena.
Ez da hori bakarrik
soldaduen pena,
garitan usteltzea
ez duk politena.
Harmak hartu ala ez
hau ez da kontua
baizik eta batzuen
nahasten tontua.
Harma bat hartzen baduk
(hor dabil patua)
kontutan hartzak norantz
dago destatua.
Etikan Estetika
ez dago sartua.
Ezartzen nahi digute
merkatu jokoa,
zinez, dibertimendu
oso gutxikoa.
Batzuentzat eztia
gehienak ezkoa
borroka noren alde
hor dago kakoa
erabiltzak burua
eta ez kaskoa!.
Aberriaren alde,
diotenez behintzat,
odola isurtzea
dute meritutzat
hirea baldin bada
hobe beraientzat.
Hara joan baino lehen
hau ondo pentsazak:
zurezko jausgailua
daukate hiretzat.
Aberririk ez dago
hau ez da berria,
hemen dagoena da
mendian herria,
hizkuntza, lana, jaiak
eta jenderia.
Mito bat baino ez da
haien aberria
hortik sortzen digute
guri aberria.
|