Herrixka ikaratua
Larri itxoiten du herrixkak
eta izuturik doa ur berrien billa.
Ur zaharrak beren bizi-lekuak
laister estaliko baititu,
samiņez biltzen dituzte etxabolak,
eta tristuraz josirik uzten
oihan, pentze eta eremu emankorrak.
Ibillaldia lehergarri gertatuko zaie,
zama astunak eramanaz
bizileku berri baten billa baitoaz.
Babesgabeak dira Lapondarrak,
indarrez bortxatzen baitituzte
tokiz aldatzera.
Erreka, ibai eta aintzirak
porlanezko hesi ikaragarriak izatera
hel litezke,
hegi batetik bestera
zabaltasun izugarrian.
Uholdea
dena estaliz eta estaliz doa,
haize bihozgogorrak xixtu egiten du.