Haizearen itzala
BAT:
Begira nazan
ilargiaren argiak disdiratu nain
hire azpian
isiltasun minutuetan
gure semea datza
bere eskuetan gaitin
bihotzei so
ezerezari galde
gure sentimendu sortzeaz
maitasun abesti
haizeak daraman abesti
eta erantzuna
ez zeigun hutsik
isiltasun aberastasuna baizik
darabilzkigun hitzak
ez ditun maitasunezkoak
begirada xamur eta sakonezkoak baizik
inoren aurka borrokatu beharrean
ogi esne eta eztia eman
eta maitasunez mintzatuko gatzeizkion
ilargi beteko gau batera eraman
eta gorputz batean zehar ibiliz
lainoaren musu baten leguntasuna
erakutsiko zionagu
hire gehiek erakutsiriko
margoen bidez
haizeari erakusten
margotzen eta eskeintzen zionat
hire gorputza
nau horra eta egun guztiak
kantatuz
hi eta hire arnasa guztiak
sentituz
hire gorputzean zehar dabilen
izate mota
maitatuz
BI:
Gaueko indarrek gure habian sartu eta begietara so egin ziguten. Haien leguntasunaren eraginaz jure besoetan loa zaindu.
Nere eskuetan
hik jarritako
suzko lorez
hire gerria
laztandu dinat
ezpainetan edanez
mihiz-mihiz mintzatuz
hitzik gabe
-xoriak bezala-
gorputzaren hizkuntzaz
haizeari baietz esan
oihuka garrasika
ihintza gustatzen zaidala
eta haren itzalan
gorderiko uso beltza
maita dudala baietz
maita dudala baietz
gorderiko uso beltza
eta haren itzalan
ihintza gustatzen zaidala
oihuka garrasika
haizeari baietz esan
gorputzaren hizkuntzaz
-xoriak bezala-
hitzik gabe
mihiz-mihiz mintzatuz
ezpainetan edanez
laztandu dinat
hire gerria
hik jarritako
suzko lorez
nere eskuetan
HIRU:
Zerutik,
itsasotik,
kaioetatik,
euriaren artean
erori zitzaizkigun
maitasun tantoak
eta inon bezala
inoiz bezala
gure artean
daukagun lorearen
usaina sentitu.
