Santa Agerako koplak oles egitera gatoz
Gurtertz
1
Zorion etxe hontako denoi!
Oles egitera gatoz:
Aterik ate, ohitura zaharra
aurten berritzeko asmoz.
Ez gaude oso aberats diruz,
ezta ere oinetakoz.
Baina eztarriz sano gabiltza,
ta kanta nahi dugu gogoz.
2
Santa Agera bezpera degu
Euskal Herriko eguna:
etxe guztiak kantuz pozteko
aukeratu deguna.
Neguburuan hartua degu
gure bideko laguna.
Denon esperantzak betetzea,
hau degu gaurko jarduna.
3
Suzi, makil eta abotsez
lurra ernaldu nahiz gabiltza.
Negu luzea pasa degu,
oraintxe dator bizitza.
Gauez lotan da gure ama lurra,
lotan belar eta haritza.
Guk bila segi behar degu orain
aspaldi galdu den giltza.
4
Urte berriari eske gatoz
nahi deguna bete dezan.
Herri hontako lagun guztiok
berriz ikustea plazan.
Atera ezinik gehiegi dira
lapur edo gaizto gisan.
Gure artean izango al ditugu
berriz denok poztu gaitzan.
5
Euskal Herritik kanpo kaiolan
gure jenderik onena.
Gogora dezagun gaurko egunez
gure artean ez dena.
Askatasuna gudarientzat:
hau da merezi dutena.
Negua joan zaigun bezalaxe
joan bekigu sufrimena.
6
Adio etxeko jaun eta andreak
mila esker zuek guztiori.
Udaberriaren seinale bezala,
aurki hamaika txori.
Horien kantuak izan daitezen
gure pozaren ezaugarri:
presoak kalera ateratzean
guztiok alai kantari!