Atano txapeldun!
Aierbe, Jose
-1-
Loreilla'n emeretzin
ziran jokatzeko,
izendatu baizuten
ala egiteko.
Baietza eman ere
biak neurtutzeko;
gero lege berriak
dana saltsatzeko,
oker bazauden len zan
garai zuzentzeko.
-2-
Ordua gaņean da
ura zan larria!
eztula jokatuko
Atano'n berria.
Ezin sinisturikan
jendea jarria;
arrazoi izan eta
zurekin erria,
azaldu dezu ondo
gizon jatorria.
-3-
Uste det sortu dala
puskateko saltsa,
berez baju dagona
ola ezin altza.
Batzuentzat leguna,
bestientzat latza;
Atano zuretzako
beti da ekaitza,
onena izatea
zuk daukazun gaitza.
-4-
Jasa-aldi ondoren
eguzki epela,
naiz azaldu jendeak
bidezko etzala.
Pelotariak jator,
gizon zeudela!
txaloa ainbat txistu
uste det ba-zala,
bakoitzak jaso zitun
merezi bezela.
-5-
Partidua asita,
oraingoan legez,
Azkarate aurretik,
zortzi eta batez.
Baņa laister ziraden
biak parez-parez;
menderatu baizuen
atze eta aurrez,
azkenean Atano'k
irabazi errez.
-6-
Mingain txarra ba-dago
gaizki esateko,
gaitz-egillea berriz
oker egiteko.
Danak alkar artuta
Atano'k galtzeko,
kontrario geiegi
saio baterako,
alare irabazi
ona zeralako.
-7-
Aurtengo txapelketa
etzaigu aztuko,
uste baņo obea;
zein ezta poztuko?
Zuzendariak ontzat
eztira artuko;
bikote txarragorik
ezpalitz sortuko,
ziur egon pelota
eztala galduko.
-8-
Legeak larri eta
norberak utsegin,
agontzen duenetzat
ez bear atsegin.
Legeak lege dira;
danentzako berdin,
erabakiak artu,
garaian itzegin,
berriz olakorikan
gertatu eztedin.
|