Gurutz-oņean
Goiria
Gurutze baten dago zintzilik
Jainko-Semea untzez josirik
arnasa gabe;
gaizkille bat lez lapur-artean
erruki barik zugatz donean
eskegi dabe.
Esku ta oiņak josirik, untzez
musu ederra odolez ta aotsez
burua arantzez,
gurutzan dago Jainko-Semea
gauza guztien Jaun ta Jobea
oroen barrez.
Itzal baltzetan dago ludia
negar-malkotan illun euzkia,
odei-azpian;
zeru-goietan itun gotzonek
irri-barreka bertan gizonak
zoro-antzian.
Nire obenak, Jainko maitia,
jarri zaitue untzez josia
gurutz-luzean,
asketsi, Jauna, nire gaizkiņa,
negartutzan dot gaizki egiņa
biotz-barnean.
Asketsi, Jauna ez geio obenak,
artu nagizu arren gaurdanik
biotz orretan;
Zurekin ortxe beti bizteko
amairik bako zeruetako
atsegiņetan.