"Arrasate Euskaldun Dezagun"
Goikolea, Patxi
1
Nola gure hizkuntza
oso gaixo dugun,
indar haundienakin
behar zaio lagun;
ez da nahikoa esan
gerala euskaldun,
abertzaletasuna
jarriaz ezagun
Arrasate herria
"Euskaldun Dezagun".
2
Euskara ia galdu
zaigu ikastolan,
kale ta udaletxean
ene dugu holan;
ehunetik hamahirua
nola mintzatzen dan
euskara-etxean dugu
bigarrengo mailan
lehenengoan jartzeko
egin dezagun lan.
3
Euskara salbatzeko
da beharrezkoa,
Udalbatzorde on bat
indar haundikoa,
ondoan gabinete
talde teknikoa,
ta iriki herrian
euskaldun txokoa,
ez uste dana ere
danikan nahikoa.
4
Lehen herri zaharra gendun
euskararen habe,
baina gaur gazteleraz
hitz egiten dabe;
euskara hilzorian
dugu oso grabe,
honen kalte larriaz
behar dugu jabe,
ez bait da aberririk
hizkuntzarik gabe.
5
Abertzale geraden
lagun ta kideak,
garbi euki ditzagun
laneko ideak;
azaltzen ditugula
gure eskabideak,
udalbatzar gabinete
ta euskaltegiak,
herria euskalduntzeko
lehengo bideak.
6
Euskaldunok erderaz
hizketan gabiltza,
geuk ezartzen diogu
hizkuntzari gaitza;
dakigunok geurean
behardugu mintza,
nahi badugu herriak
eduki bizitza,
euskarai laguntzeko
eman daigun hitza.
|