Mikel Alkorta Andonegiri
Goikoetxea, J.L.
Mikel Alkorta Andonegiri
heldu zaio istripua
Herio hotzak aukeratu du,
euskaldun amorratua.
Hainbeste tanta izerdi zintzo
segundu batek ostua
frutu ematen hasia zena
bidean datza gorpua.
Aurten Iruñan bertso aurkezten
zebilen boza da ixi
irribarrezko aurpegi hortan
begiek ezin ikusi.
Seme aparta zaituen lurrak
odola dizu irentsi
seme berrien bihotzetara
bihur dadin bihar etzi.
Ez leike izan alferrekoa
zenedukan esperantza
zerurik dela egia bada
argitu gure zalantza.
Konta zuk Mikel nolakoa den
hor euskaldunen bizitza
egia al da ikasten dela
goizero bertsolaritza«