inprimatu
Ihiztari laguneri
Izenburua:
Ihiztari laguneri
Sinadura:
Goikoetxea Olaondo, Joan Ignazio (Gaztelu, Bordatxuri, Menditarra)
Urkizaren iruzkina:
Egilea(k):
Goikoetxea, Joan Inazioa

Argitalpena:
Herria.
Urtea:
1964
Argitalpenaren urtea:
Alea:
737.zk.
Orrialdea:
4

Ihiztari laguneri

 

Goikoetxea Olaondo, Joan Ignazio (Gaztelu, Bordatxuri, Menditarra)

 

 1

 

 Eskualdun ihiztari, zueri bi bertsu:

 Jadanik, ezin ukha, harman duzue su,

 Bihotza bozkarioz doi bat urgulutsu,

 Chakhurra gibeletik duzuela usu.

 

 2

 

 Ihizia neretzat zinez charmagarri

 Gorphutza deskantsuan, maiz haatik egarri,

 Mendiko bidechketan nizalarik jarri,

 Nere urhatsak dira bihotz altchagarri.

 

 3

 

 Astean sei egunak dituzket laneko,

 Aldiz zazpigarrena neretzat pausuko.

 Ihizian nizala maiz sosegatuko

 Duda mudarik gabe dautzut aithortuko.

 

 4

 

 Igandetan goiz goiza meza dut entzuten,

 Asteko janharia hor baitut ihesten.

 Gero chingar zafla bat gogotikan jaten,

 Arima ta gorphutza, biak ditut hazten.

 

 5

 

 «Eder» chakhur ernea, haugi nere lagun,

 Ukhanen diuk segur ezpainetan hagun.

 Bidekatuko gaituk mendietan egun,

 Alpotchak hanpaturik ekharri ditzagun.

 

 6

 

 Oi nere zoriona, chakhurra da chanpan,

 Goizeko ihitzean iratzea trenpan,

 Lastertzearen bortchaz, ihizia trapan,

 Orduan chichparekin nik dut egin pan pan!

 

 7

 

 Erbi bat oi gothorra dut hola aurthiki;

 Begi ona dutala aithortzen dut finki.

 Orai goazen etchalde chuchen ta lañoki,

 Badut erbi horrekin egun huntan aski.

 

 8

 

 Etchekandre panpina, zaite bozkaria!

 Zuretzat da senharra hoin ihiztaria.

 Egin zuk gosturekin ona bazkaria,

 Azkar zuen arteko ezkontza haria!

 

 9

 

 Ihiztari ez banintz odolean sortu,

 Bizi guziko nintzan izanen dolutu.

 Orai lan ta bertzetan niz hichtu ta kantu,

 Ihizia gogoan Jauna dut laudatu.

 

 10

 

 Eskualdun ihiztari, lerden eta biphil,

 Oihan, mendi, larretan chuchen zizte ibil.

 Erbi, lapinen orde, ez baa chakhurra hil,

 Fini laike bertzenaz zuen fama hurbil.

 

 11

 

 Ihizia Jainkoak egin du zuentzat,

 Zuek aldiz Jaunaren muthil ta semetzat.

 Pausu ta deskantsua. oi gorphutzarentzat,

 Gorphutza arimaren laguna denentzat.


inprimatu