Begian negarra

Gaztelu

 Ibaika darorkit begitik negarra.

 Zuuria bai baitut biotzean

 atzerri-arantzez yosia.

 ¿Nork zauritu biotz-lilia ?

 Arantzdun dalarik yakiñean

 ¿nork dagit biotz-ertsipen ain gogorra?...

 Biotza sorburu, begiak iturri,

 ibai antzo sor zait abesmiña

 ugiñez gain apar-anditsu...

 Eres-otsik, ertzez, ez duzu.

 Txoriak ixil. Aiots iluna

 bakarrik : iletarien miñ-iyurri.

 ¡Ai, Ama! Altzoan oraiño nik abes.

 Egun ostera atzerri-kanta

 biotzak: ikaraz, ler-urren.

 Ar egizu, ugerra-arren,

 begi itunen malko-ureta.

 ¡Biotz autsiari darion ileres!

 Bai dudan itun ibai onen yoana!

 Eziñ baitut nik zurera egin

 Zugan gogoa... ¡ni atzerri!

 Malko-ibaiez ere ibil-ontzi

 al-izatea, ene errimiñ

 larri onek ar lezake atsedena.

 ..............................

 ¡Ama! Abas ote txoriak kaiolan?

 Lurriñ dario lorak nere baratzan?

 Ala dut ixil, al zait igar...?

 Baiezkoan, ar bezate, ar!

 norberak yarduna len ain alaiean.

 ¡Itunago ager nadin erbestean!