Pegoi baten izaera
Goialde
-1-
Ene, famili laztana!
benetan maita detana,
gau eta egun beti goguan
darabilkidana;
sortutzearren zer jana
eta beste bear dana
etxetik urrutira juanda
egiten det lana.
-2-
Umeakin emaztea
lanez ta nekez betea
samingarria oi da neretzat
utzita juatea;
aldendurikan astea
igarotzea tristea,
ez erosua gure oraingo
bizi izatea.
-3-
Ugari samar umeak,
ta gu izanik pobreak
zaldu bearra ekarri digu
oiek azitzeak;
zaildu bearra ekarri digu
eskola erakusteak...
modu eskaxa degunarentzat
zer buruausteak!
-4-
Berak eskolan dabiltza
ikasi naiaz langintza,
gurasuok lan neketsuetan
izerdi ta pitsa,
latza da gure bizitza,
estu ta larri gabiltza,
bete bearrez geure gain artu
genduen ekintza.
-5-
MUTILZARRAK:
Zergaitik ainbeste neke
gizonak egin lezake
beti beartsu izango eta
orrela jo ta ke?
ERANTZUNA:
Gurasua baziņake
igarriko zenioke,
nere lekuan zuk ere berdin
egingo zenduke.
-6-
Egia garbi esaten,
ez naiz batere lotsatzen,
etorri gutxi eta sarritan
etzaigu iristen;
bildur gerala gastatzen,
beti kontu ateratzen,
diru gutxikin zail dago gure
premiak estaltzen.
-7-
Pobre jaio ta azia,
gazterik lanen asia,
nere denboran makiņabat otz
ta gose pasia;
dedan alderdi guzia
pegontzan irabazia,
gure umientzat ezkenduke nai
olako bizia.
-8-
Pegoiaren izaera,
lan zakarretan aurrera,
baņan pin samar bear danean
utzi baztarrera;
begiratzean etxera
naigabea biotzera,
bear litzaken saririk ezin
iņola atera.
-9-
Askok esaten dutena,
nik igartzen diotena,
pegontza dala irabazpide
gutxien duena;
gizatasuna aurrena,
langintza on bat urrena,
ori da gure umientzako
nai gendukiena.
-10-
Aita-amak nik goguan,
Jaunak ditzala Zeruan,
gugatik ainbat arrasta egin
zutenak munduan;
gu ere aien moduan
gabiltz alegin osuan,
egunen batez obeto izango
geradelakuan.
|