Gerala
Atozte danok nigana,
Atozte gogoz bai,
Arkituko nazute-ta
Emen eta nun nai.
Zeruratu nai dezutenak
Eta ludian ondo izan nai
Atozte neregana
Atozte biotzez bai
Nik det Kurutzean zuentzat
Zeru ederra irabazi
¿Zuek biotzez maitatzia
Orregatik ez det merezi?
Maite zazute laztanak
Nere Biotz berdingabia
Bada bere da zerurako
Bizi, egi eta bidia.
Atozte bada azkar
Baño askoz azkarrago
Bada Biotz onetan
Zuen bizia dago.
Zuek nitzaz astuta urren
Ikusten zaituztenian
Naigabe aundia dira
Nere Biotz barrenian.
Zigorrez, arantzaz ta iltzez
Josten dezute nere Biotza
Eta berrizten diazute
Kalbarioko eriotza.
Ez da entzuten zuen otoitzik
Aldenduta nere Biotzetik
Baña gaizpetuak zerate
Zori txarreko une artatik.
Orduan zerate neretzat
Eriotz azkeneko miña!
Alare barkatzen dizutet
Zuen itxun ta ez jakiña.
Baña bere maitasun sua
Ikusi al bazenduteke,
Zuen biotz izoztu oiek
Beala berotuko litzazke.
Orrelan bada, ¡¡atozte!!
Baño askoz azkarrago
Bada "zeruko bide ziurra"
Nere Biotzian dago.
|