Biziko da
Guelbenzu, Ramon
Biotz barrendik irten naian
Azpaldi daukat ojua,
Ta ezin nezake geiago iduki
Ta aitortutzera nijua;
Ikusirikan oinperatua
Gure Euskera gajua:
Iruritzen zait gaitz zital batek
Azpaldi daukala jua:
Beldur naiz, orla galdutako otedan
Euskera gizagajua...!
Ta ala, sustraiak posoitzen dizka
Euskaldunaren kaltian,
Sendatutzeko senti oi duna
Sendakiñ onen faltian;
Luzaro orrela egun betanik
Denak elkartu gaitian;
Gure Euskera bizitu dedin
Laguntasun chit maitian
Ta ez ditezela etsai gaiztoak
Sartu Euskaldun artien.
Goguan daukat, egun batian
Aiton baterie entzuna,
Ta badiruri aitzen nagola
Itz aiechen oiarsuna
Esaten zuben: ¿Nork lapurtu du
Non da Euskora leguna?
A Jangoikua ez da lengua
Gaur itz egiten deguna.
Itz gaisto ori entzuten pasa-
tzen dot gaua ta eguna.
Euskera guchi entzutiak gaur
Neri ematen dit pena,
Izanik mundu ontan sartu
izkuntzarik ederrena;
Izkuntza zital, chachu, pozoitu
Orrek jarri nai aurrena?...
Bañan gu ezin geinke gelditu
Izkuntza orren urrena...
Euskera gatik utziko degu
Guk daukagun odol dena.