Miriku sabantaren othoitza

Gazteluzar, Bernard

 1

 Grazia suerta guzien

 Egiazko ithurria,

 Eta munduan diren minen

 Miriku miragarria,

 2

 Zuri dagotzu, o Jainkoa,

 Ordenantzen ematea!

 Biziaz eta herioaz

 Nahiaren agitea!

 3

 Bainan ez othe naiz ni ere

 Erien baltsan eria?

 Eri naiz eta ene mina

 Zerukotz ezta tipia.

 4

 Ene bihotza miletan zait

 Egun oroz altaratzen;

 Minek miletan doblaturik

 Miletan naute transitzen

 5

 Jauna, zure Odol saindua

 Galbarian isuria,

 Egin izan zen gure minen

 Sendatzeko ithurria.

 6

 Emozute gure bihotzei

 Bere ontasun ederra:

 Eta zerori egin zaite

 Gure arimen indarra.