Artzainek adoratzen dute Haurra

Gazteluzar, Bernard

 1

 Artzaiñak, zatozte fite,

 zatozte heia huntara,

 Arrokan barna hemen den

 Jainkoa adoratzera.

 2

 Hurbildu denaz geroztik

 ikusagun elkharrekiñ;

 Zuekiñ gu joanen gaituk;

 zatozte zuek gurekiñ.

 3

 Bildots polit bat hemen duk

 eta Bildots zerukoa,

 Heiak ez baitu oraino

 ikhusi hunelakoa.

 4

 Erakusten tik bisaian

 espantu miragarriak,

 Klarki baitire ageri

 bildurik zeru guztiak.

 5

 Hedoi eder baten gisa

 dik bere begitartea,

 Begiek ez ikhusteko

 hunen dibinitatea.

 6

 Nor ez da establi huntan

 guzia espantatuko?

 Era nor ez, ikhustean,

 amudioz flakatuko?

 7

 Nihon ere izan ez den

 etsenptu bat dik ematen;

 Emanik bere Bihotza,

 gurea dik galdegiten.

 8

 Egiñ dtk establi batez

 Parabisuko loria;

 Eta Gizon-Jainko batez

 Bildots adoragarria.

 9

 Neskatcha artzaiñ debotak,

 hunat laster egizue;

 Bildots berri dibino bat

 kontenplatuko duzue

 10

 Zuen ardi eta bildots

 guziak utz detzatzue.

 Zerutik jautsi Bildots bat

 Adoratuko duzue.

 11

 Baiñan hunen gurutzea

 emazus gerrietan;

 Har-zazue hunen ille

 dibinoa eskuetan.

 12

 Ille hau choilki duzue

 hunen zuen landetan,

 Zugn mendi, zuen haran,

 eta haritz-itzaletan.

 13

 Ardatzak eragitzue

 itzeez irutekotzat,

 Bañan hunen den tela

 izanen dela hunentzat.

 14

 Ederra behar diñ telak,

 ongi beraz egizue;

 Hartzaz arropa berriak

 gero egiñ detzazue.

 15

 Erhiak asaiu huntan

 erabilliko tutzue;

 Hargatik bethi eztia

 pena izanen duzue.

 16

 Emazue killoetan

 hunen grazia linhotzat;

 Eta hunen gurutzea

 zuen gerritan killotzat.