[Ezkonberriei]
Ertziņape
I
Arratsalde on, jende maiteok,
arratsalde on Jainkoak,
denoi on egin dezaizutela
jan eta edandakoak.
Jakiņa dago nortzuengana
dijoazen gaur bertsoak;
ezkon-berriei opa dizkiet
pozez zorion beroak,
guztiok orain agur ditzagun
eskeiņi gure txaloak.
II
Laurgain-auzoko eskola xarra...
an biltzen zan aurtxo pilla,
amabi urte dirala orain
ikasle oso ixilla;
ezagutu nun Maria Jesus
garai artan neskatilla.
Gaur ezkondurik agertzen zaigu
beregana du mutilla,
bizi guzian lagunarekin
zoriontsua dedilla.
III
Gure munduan oker geiegi,
bear gorrian jendeak,
alare, orde, ajolarik ez
askotan gure gazteak:
kezka bakarra ematen die
emen bapo bizitzeak.
Ezkon-berriok ager zerate
guztiz mixio-zaleak,
zuek ikusiz guztiok ere
izan gindezke obeak.
IV
Atzerapena... bear gorria...
fede gabeko itzala...
ondo dakigu mundu guztiaz
nausitzen ari dirala.
Aitortzen degu, ezkon-berriok,
biotz piņa bear dala,
zuen gisara joatekotan
igaroz itxas-zabala,
zuen ekintza gure Jainkoak
goitik bedeinka dezala.
V
Zail da sinisten, ezkon-berriok,
segitun Mixiolari,
ba-dago, noski, Ameriketan
egitekorik ugari.
Aruntz zoazte, gaurtik egiņaz
agur Euskalerriari,
izerdi-lanak eskeiņi asmoz
Benezuela lurrari,
izan zazute Goi-Goiko Aita
illun-alditan gidari.
VI
Gazte maiteok, zuen ekintza
ain da gauza nabarmena,
gure artean askoren askok
uste dute itxumena.
Emen bertan gaur kezkadunentzat
ainbeste lan dagoena,
Euskalerria utzirik, noski,
urrutira zoztena,
ez begiratu zuen atzera,
ori kristau sinismena!
VII
Ezin ukatu Euskalerrian
lan aundia dagoanik,
bertan gaudenok saiatu bear
aztu gabe nor geranik.
Beste gazterik ez al da baiņa,
gelditzen zuek joanik?
Jan-edan eta alkar-burrukak
utzi ezkero yadanik,
zuek joanda-re ba-dago emen
nortzuk egin euskal lanik.
VIII
Egunen batez berriz onuntza
irten ezkero iņola,
gogoan artu Euskalerria
iltzeko zoriz dagola.
Alaxe oi da zarraren zarrez
igartuz doan arbola,
gazte maiteok, zuen ezkontzaz
berritu bear odola,
bitarte ontan agur beroak
Mendiluze-Manterola.
