Erriarentzat bizitzea
Ertziņape
-1-
"Martiņeneko" seme gaztea
bizkor ta egon-eziņa,
Aizarnak daukan enparantz ortan
amaika korri egiņa!
Esan dezagun, bein artutako
bidean jarraitzen piņa,
gaur etziņake apaiz izango
beti jolastu baziņa.
-2-
Txiki ziņala gerta zitzaizun
aitatxoren eriotza,
zeure barruan nabaitu bear
aitarik ezaren otza.
Gaurko egunez alai daukazu
odol berotan biotza,
gaurtik zu zera zure sendi ta
erri osoaren poza.
-3-
Zorioneko alargun eta
ama zori obekoa,
anai-arreba, osaba-izeba,
ta senitarte osoa,
guziontzako gaurko eguna
benetan poztutzekoa:
erriarentzat Jaunari eman
diozute kastakoa.
-4-
Izaia izan, ala zugaitza...
toki oneko aldea!
Odol-zupatzez bizi baita bat,
bestea txit emaillea:
osto ta itzat ematen ditu,
bere garaian alea.
Zeran guzia besterentzako,
orra zuk artu bidea!
-5-
Ez pentsa, gero, apaiz-bidea
izango danik xamurra:
nor-berarentzat babesikan ez,
oinpean kolokan lurra,
alde guzitik, diru ta gezur,
nagusitutzen maltzurra.
Bearko duzu illunpe ortan
sinismen-argi ziurra!
-6-
Apaiz artera sarturik zaude,
gure adiskide kutun:
besterik gabe artua duzu
gaurtik gurutz-bide astun.
Ez uste, orde, kanpoak argi,
barrua danik beltz-illun:
Besteren alde saiatutzeak
berekin du argi tegun!
-7-
Erriarentzat bizitze ori
itzez ederra izaki,
besteri asko eskatu baiņan,
ematekoan aitzaki.
Ez ordu eta ez etxerikan,
ez ondorengo jarraiki,
erritarrentzat bizi bearra
zer dan apaizak ba-daki.
-8-
Erri batetik artua zera
gaurtikan apaiz-berri,
maita bearra daukazu benaz
ekarri zinduan erri.
Naiz-ta ibilli ikas-lanean
erri eta bai atzerri,
maita itzatzu Euskera eta
beti maita Euskalerri!
-9-
Ikas-lanean asko dabiltza
erri-lanentzat asarrez,
jende ikasi, erri-saltzaille
biurtuaz zoritxarrez.
Ikas ezazu, Euskalerria
argiz ornitu bearrez:
ezin diteke diruz askatu,
ezta tiroen su-garrez.
-10-
Lenengo aldiz ikusi dugu
Aizarnan gerta etzana:
bere seme bat apaiz artera
Gotzaiak sartu duana,
Jainkoagatik erriarentzat
betiko izango dana.
Zorioneko sendia eta
zorioneko Aizarna!
-11-
Gotzaia eta ogeitik gora
apaiz-lagun aldarean,
adiskide ta senitarteko,
aizarnarrekin batean,
elizan lenen, gero bazkaltzen
lagunarte jatorrean.
Aztuko ez dan gertakizuna,
Aizarna dan bitartean!