Gerra komeni bazan
Garmendia, Jose
Komeni zaigu Jose Garmendia gizarajoa atzera ere aitatzea. Onek ere poliki erakusten du darabilkigun naigabe au. Orra bere laugarren bertsoa:
Gerra komeni bazan
orra etorri da,
gogor ari dira,
jendia bakandutzen
lautatikan bira,
zer dan ez dakitela
dadukaten ira,
ainbeste milloi gizon
alkarri begira,
beste lanikan gabe
kargatu ta tira.
Bertso ontan ere ez dago gaizki adierazia gerraren mamia:
...ainbeste milloi gizon
alkarri begira,
beste lanikan gabe
kargatu ta tira.
Ta orrelako lana len esan duan beste arrazoirik gabe:
...zer dan ez dakitela
dadukaten ira...
Ikusten dezutenez, emen aitatu ditugun bertsolariak Jose Garmendia au ez beste danak bate zalekeririk ez dute. Danak esan dezakete beren buruagatik Xenpelarrek ziona:
Ez naiz ni gerraren zale,
baizik pakearen alde...
Gerrak ez die odola ta eriotza besterik ekartzen burura artaz oroitzean.
|