|
Iru edo lau iritzi
Garmendia
Iru edo lau iritzi
eman gabe ezin utzi,
bestela damu izango nuke
biar edo etzi;
orrenbeste "baile-itxi",
asko ez al gera jetxi?
arrokeria ugari baiņa
maitetasun gatxi.
***
Neska-mutillen artean
gizartearen kaltean,
moda berriak indartu dira
kaleak betean;
bizi nai baratz batean
pentsatzen jarri gaitean,
maitetasunik ezpada gabiltz
arantza tartean.
***
Guk daduzkagun ametsak
sarri dira aldrebesak,
geure erri ta geure izkuntza
aztutzen errezak;
kalera joateko presak
etxeratutzen nekezak...
O, zenbat kalte egiten duan
maitasunik ezak!
***
Moda berrian jokatu
lengo dana zokoratu,
txantxo gisara lenengo jantzi,
urrena drogatu;
Jaunak, ainbeste pekatu
nundik da gureganatu?
bide ortatik zorionikan
guk ezin topatu.
***
Zer etorkizun dauzkagun,
zer egiteko daukagun,
gure oiturak eta izkuntza
baiņo oberik nun?
Errian egiņik lagun,
maitatuz jator da txukun,
nungo seme ta alabak geran
aztu ez dezagun.
|
