Juan Urbietako-ari

Garmendia, Jose Ignacio

 Jaungoiko aundiari

 diot milla grazi,

 Ernaniñ ziñalako

 jayo eta azi;

 erak utsirik amak

 gero nola bizi,

 euskaldunen goimena

 dezu irabazi.

 Zere seaskachoan

 lo-lo eragiñaz,

 laztan gosho-goshoak

 eman zizun griñaz;

 aberri maitatua

 gordetzeko diñaz,

 berak esango zizun

 farracho egiñaz.

 Amachoren esanak

 biotzean sartu,

 aberria zugana

 gero zan beartu:

 zeren frantzitarrakiñ

 gerran zan leartu,

 autslabartzen parte

 zenduan zuk artu.

 Beti izandu ziñan

 soldadu bikaña

 ¿nor argiratu baitzan

 orduan zu aña?

 suk goratu zenduan

 gure izengaña,

 Euskal-erri maitea

 baitere España.

 Gerralari trebea

 tqa belardetsua,

 zeuk arrapatuentzat

 chit errukitsua,

 biotz goitia eta

 indarrez altsua...

 eziñ artu nezake

 nik zuri pultsua.

 Indar-neurtze toki bat

 zenduten Pabia,

 nun onratu zenduan

 geyenbat kabia;

 zuen yayotasuna

 izanik aundia,

 frantzitarrak igesi

 ziraden abia.

 Ederkiro zenduten

 etsaya garaitu,

 igesi zijoala

 ondoren jarraitu:

 egiteak zuretzat

 aghi bat baitu,

 sekulan ez detana

 besterengan aitu.

 Franzisko lenengoa,

 zuten agintari,

 zuk eskuak ezarri

 zenion berari

 baita bizia gorde

 errukarri ari,

 galtzeko etzirikan

 zebillena larri.

 ¡O zure biotzaren

 aunditasun piña!

 ¡O lirio urrezko

 ontzian egiña!

 ¡O Ama Euskeraren

 seme atsegiña!

 guztiok jasotzeko

 egin zera diña.

 Ernanitar argitsu

 barren gozokoa,

 soldadutzako gayan

 molde osokoa:

 gordetzengatikan

 etsai auzokoa,

 bedeinkatzendet zure

 seaska chokoa.

 Ayen errege zare

 mendean jarria,

 argatik aukeratu

 zenduan sartu;

 biurtzea ordañez

 zere gidaria

 etsayen eskuetan

 aurrez eroria.

 Ugi Monkada-koa

 libratu dezuna,

 biurtzen zeniola

 zoriontasunaz;

 Franziskori ere bai,

 ¡ay zer ontasuna!

 deseatuko zuten

 zure osasuna.

 Zergoiti itzegiten

 duten gure alde

 eder egite oyek,

 munduari galde;

 zure oroipengarri,

 beti utzi gabe,

 aldana egitera

 beartuak gaude.

 Irureun berrogei ta

 amaseibat urte

 emendik zu joanik

 izan bear dute:

 nere begiak ongi

 ikusten badute,

 zeruetan zaudela

 esan bear nuke.

 ¡O zeñek lukekean

 bear ainbat adur

 egoki zuzentzeko

 bi itz-neurtu labur:

 bano bear bezela

 eziñ det nik gaur

 eta bukatutzeko,

 ¡agur, on Jaun, agur!