Gernikako arbola eta on Pedro Nobia
Garita Onandia, Balbino
Libertade, euskaldunen
Iduri garbia
¡Gernikako Aritza!
Pozkida zaitia;
Zure chit maitalari
On Pedro Nobia
Onratzeko, ager-zaite
Arrosaz jantzia.
Orain eun urte dira
Ori jayo zala,
Argi ta zoriona
Zabaltzen zuala,
Euskaldunen artian
Bere-bereala,
Zeruko eguzkita
Izarrak-bezala.
Aurreramen aundiak
Egiten benetan,
Birtuteko bidian
Asi zan gaztetan;
Bere erritarren-alde
Umanta indarretan,
Jakintzan arki zala
Malla goyenentan.
On Pedro-k eragiña
Da ¡Aritz argiya!
Oraiñ zure inguruban
Dezun jauregiya;
An, ta zure orripean
Bil-zediñ alaiya,
Bizkaitarren pozkidaz
Batzarre nausiya.
¡O zenbat aldiz arek
Zure itzalpean
Gure oitarau-gañean
Agitz mintzamean,
Zeuzkan euskaldun danen
Biotzak mendean,
Bizi-bedi deika,
Zorion-betean!
Begira oyen amorez
Nola Madrill-era
Bizkor ta alai zijuan
Egiya azaltzera,
Euskaldun-lokabetza
Eskudatutzera,
Jainko ta Oitarauen
Bandera alchatzera.
Esan agitz, Aritza,
Buruba jasorik,
Esan-zazu ereder,
Berriro orriturik;
Bizi dedilla Pedro,
Zeruban goiturik,
Andik Euskal-erriya
Beti lagundurik.
Andik lagundu bitza
Amerri dontsuba,
Oitarau ta Erlijio
Balear ta santuba,
Bere bizi-guztiyan
Añ eskudatuba,
Puskaturik etsayen
Arma zorroztuba.
|