Ama Donzella Doloretakuaren zazpi ezpatak
Garita-Onandia, Balbino
¡O ze oñazak, Jesus-en Ama,
Zeuben Biyotzen erdian,
Simeon zarrak biyoi ezpatak
Aitatutziaz batian!...
¡O zeiñ minduba, Ama, Josegaz
Jesus zenduban gordeko,
Ijito-alderonz gabaz igasi
Erodes-ek ez ilteko!...
¡O zeñ illuña Biotza eukazun,
Ama minduraz betia!
Iru eguntan uri guztian
Eziñ billaurik Semia!...
¿Nork esan, Ama, zeure naigabe
Gogorrak, ikusitzian
Zure Semia Kurutze kargaz
Samintasungo kalian?...
¿Ama! ¿zelan iraun, añbeste miñez
Kalbariyuan jeigita,
Zeure Jainkoa zekusazula
Kurutze baten josita?....
¡O ze negarrak, Ama gozua!
¡O ze anpulu malkuak,
Kurutzazpian Gorputz illotza
Artzian zeure altzuak!...
¡O ze penia, Gorputz santua!
Obi barriyan ichirik!
Ama Donzella; gorde gagizuz
Beti graziyan bizirik.
Erregua.
¡Zazpi ezpata-miñez josiya,
Andra Donzella Maria!
Zeure Jesus-en eruapenaz,
Emon eiguzu grazia,
Artzeko beti pekatu danen
Damu guztizko aundia;
Bera maitetan igaro daigun
Geure bizitza guzia,
Zeu ta beragaz jaritsi arte
Zerubetako gloria.