Urte betetzea dala-ta
Zubigar
Euskeldunak ba'gera
gaur gaitezen poztu
eta poztasun onek
gaitzala berotu
gaurko egun au ondo
dezagun ospatu;
egingo du agiyan
norbaitek galdetu
¿zer dala-ta beraz gaur
bear degu alaitu?
urte bete dalako
egin zala sortu
izparringi ARGIA
gaitubena argitu.
Tamala da egiyaz,
gaitezen lotsatu,
euskeldun askok nai du
euskera lurraldu
baña ARGIA iñoiz
etzaigu zabartu
gauz onetan, baizikan
beti da sayatu
euskeraren sustrayak
dizkigu geroztu
egin dedin benetan
betiko marduldu
ta Jauna'ri eskerrak
ala da gertatu.
¿Nork lezake gaur esan
ez dala berpiztu?
¿nork lezake gaur esan
ez dala sendotu?
beraz guk bear degu
ARGIA eskertu
eta bene-benetan
bai ta ere maitatu
onek egiten du-ta
abenda aldeztu.
Zenbat onura digun
onek guganatu
nere idazkortzak ¡a!
ezin du edestu;
gure ele kuttuna
iya zana galdu
ARGIA pixtu zan-ta
eder zan azaldu
ez dedilla iñoiz ba
ARGI au bukatu
baizik orain bezela
dezala larraitu
edo al baldin bada
geyago aurreratu
ortarako diogu
zoruna opatu;
bera urte betean
egin da alegindu
orregatik du bada
nai zubena lortu,
ARGIA'ra biotzez
euskoak zaletu.
Beste urte betean
egiten ba'ditu
beste ainbeste biotz
euskera-zaletu,
noiz nai egin lezake
gurenda abestu;
ala gerta dedin ba
Jauna'ri eskatu.
|