¡Urrikalgarri dagoz gaxoak!
Zubigar
Anai arreba txiro-txiroak
ditut ikusi...
itxuraz beintzat gaxoak gaizki
diranak azi;
ate ondoan otoi egiñaz
eskatzen asi
dira, zergatik oraindik beintzat
nai duten bizi.
¡Urrikalgarri dagoz gaxoak;
oñ-utsik biak...!
soñeko zarrak aldan bezela
dagoz jantziak;
garbitu gabe aspalditxoan
bai arpegiak
eta goseak txit illundubak
beren begiak.
Malko mardulak ixuriaz ba
begietatik
deitu diet nik ume gaxoei
etxe barrutik
ta aguro zaizkit sartu barrura
ate ondotik
zerbait dute-ta itxaron noski
aiek nigandik.
Nik ezin eman ordea baño,
soñeko bana,
eta maiteai jan-edanean
al detan dana;
baña ala ere daukate aiek
ba naiko lana...
¡¡¡aita berriro illa dute-ta...
gaxorik ama!!!
***
Aberats jauna
¿ez ote zera urrikalduko?;
¿txiro gaxoei
ez diozu ba zuk lagunduko?
¡¡beti gomuta
nun zeran gero ba geldituko!!;
¡¡¡txiro-txiroen...
ondoan zera... lurperatuko!!!
Gero Jauna'ren
aurrean zera zu damutuko
¡a, baña alperrik
eu da denborik, ez, gaizkatzeko!