Laztasun guria
Zubigar
Morkotsak azalean
arantz zorrotzak dauzka,
barrengo oi legunean
bi-iru gaztain guri
ta otamullo latzak
muturretan lilia
agertzen digu beti
samur eta ori.
Elorri zulakorra
aldia etortzean
edonork ikusten du
lar tartean txuri;
sasi lakarra ene
txori kabi eztitsuz
arrunt samurtzen dala
edozeņek daki.
Eultza bildurgarria
ezpata asko artean
ezti-jario dala
iņork ez zalantzik;
ta gizonari ere
bizitzako'arantzak
Jaunak eman bezela
jasaten ba'daki,
emengo arantz uren
guritasun neurgea
emango dio Berak
gozo ta ugari.
|