Irakurgai txarak
Zubigar
Egun batean mutil gazte bat,
jakintsua bere ustez,
arkitu nuan etxe ondoan
irakurtzen oso pozez.
Zikinkerizko idazti bat zan
ari zana irakurtzen
ta nik orduan itz auek nizkan
on bearrean zuzentzen.
"Ene aizkide; begira ondo
zer dezun or irakurtzen...
¿etzera bada loikeri oiek
ikustean ikaratzen?"
Eta ala zion: "egoki zaigu
au guztia jakitea
ba ona baño irakurrita
oso illuna gelditzen da".
Berriro nion zuzendu laister
nere mutil gazte oni
ia nolatan izan liteken
gauza txarra izan egoki.
Erantzun ziran zalantza gabe
"¿ez dezu ikusten aizkide
gauza ona ez dala ezautzen
txarra zer dan jakin gabe?"
(¡Gizarajoa!) "or konpon zaite"
esan nion gazteari
ta tamaldua bene-benetan
jarrai nion bideari
...........................................
Egun batzuek igaro ondoren
gazte au gaxo jarri zan
eta orduan ikustaldiak
egin niozkan sarritan.
Eskatzen zuan maiz eta larri
sendagille bat txit ona
txarra zalako bere ustean
erriko artan zegona.
Sendagille on, sendagai onak,
guztia ona nai zuan
gauza txarrakin galtzeko bildur
omen zala-ta orduan.
"Ona baño etzuan eskatzen
bere ondo egoteko
(¡¡emen etzaio egoki txarra,
ona zer dan jakiteko!!)
Esan nion bein; "artu ba orain
sendagai txarrak lenbizi
nai badituzu ludi onetan
ona ta txarra ikasi...
orduan malko minduak zion
begi barrendik igesi.
...........................................
Beste batzuek esaten dute:
asiko naiz irakurtzen
ta txarra dala ezagutzean
berealaxe utziko det."
Ez ordea askok idaztietan
txarra ta ona ezautzen
ez igartzeko eran ederki
dituztelako idazten
¿Artu nai du iñork sendagai txarra
kalte egitean uzteko?
¡iñortxok ere ez, berandu da-ta
kaltea gero kentzeko!
Orixe bera gertatzen da ba
irakurgai txar arrekin
ezagutzean uzten da baña...
¡¡kaltea an dauka berekin!!
Elizak ondo digu esaten
jaun jakintsuen bitartez
ona ta txarra zer diran, ¡eta
ala ere entzun bear ez!
Gure kaltean izango degu
jaun auei ez entzutea,
auek dira-ta Jaunak biali
zituanak gu zaintzea
Utzi anaiak, idazti txarrak
eta irakurri txukunak
gure gogoak Bere ondoan
aztu ditzan gure Jaunak